Jáið mitt.

Ákvað eftir nokkra daga umhugsun að blogga aðeins um jáið mitt. Það eru skiptar skoðanir í Sjálfstæðisflokknum um aðildarviðræður við ESB en ég hef alltaf skipað mér með þeim sem eru hlynntir slíkum viðræðum og sagt þá skoðun mín svo hún ætti engum að koma á óvart.

Tvær breytingartillögur Bjarna Bendiktssonar og Þorgerðar Katrínar Gunnarsdóttur, annars vegar um tvöfalda atkvæðagreiðslu og hins vegar um bindandi þjóðaratkvæðagreiðslur voru felldar en þær báðar studdi þingflokkurinn allur. 

Þegar kom að atkvæðagreiðslu um breytta þingsályktunartillögu ríkisstjórnarinnar um aðildarviðræður við ESB þá greiddi ég henni atkvæði mitt og gerði grein fyrir því, Þorgerður Katrín sat hjá og gerði grein fyrir því en aðrir þingmenn Sjálfstæðisflokksins sögðu nei og sumir gerður grein fyrir því en aðrir ekki.

Ýmsir hafa ekki geta unað því að einhugur var ekki í þingflokknum og látið í ljós skoðanir sínar, hver á sinn hátt. En þeir eru enn fleiri sem hafa sagt að í þessari atkvæðagreiðslu hafi endurspeglast styrkur Sjálfstæðisflokksins, þar sé rúm fyrir fólk með sjálfstæðar skoðanir.

Sjálfstæðisflokkurinn er breiðfylking fólks sem hefur grunngildin sjálfstæðisstefnunnar að leiðarljósi en innan okkar raða rúmast ólíkar skoðanir á ýmsum málum. Það er og verður styrkur okkar sjálfstæðismanna.

 

Athugasemdir

[Kjartan Jónsson, 20.7.2009 kl. 21:17]

Þakka þér Ragnheiður fyrir að treysta þjóðinni til að skera úr um þetta mikilvæga málefni.

[Guðbjörn Guðbjörnsson, 20.7.2009 kl. 21:36]

Já, það hefur farið mikið fyrir gagnrýninni, en mig grunar nú samt að það séu ansi margir sem hrifust hugrekki þínu og staðfestu.

Ég er líkt og þú tilbúinn að fara í aðildarviðræður og sjá hvað út úr þeim kemur. Það hefur verið trú mín í nokkur ár að Íslandi sé betur komið innan raða ESB.

Ég er virkilega stoltur af þér Ragnheiður! 

[Gísli Baldvinsson (IP-tala skráð) 20.7.2009 kl. 21:49]

Mjög eðlileg niðurstaða...kv gb

[Gísli Foster Hjartarson, 20.7.2009 kl. 21:50]

Ragnheiður  Það er styrkur að fylgja eigin sannfæringu og það gerðir þú - það dugar mér og mörgum öðrum. Látum á þetta reyna, sjáum hvað okkur verður boðið upp á - ég held einhvern veginn að það verði betra en við höldum, og þá horfi ég á þetta út frá heimilisbókhaldinu en það fá ekki allir það sem að þeir vilja -þannig er bara lífið.

Ertu ekki til í að sjá til þess að menn taki helv... verðtrygginguna og fleygi henni hið snarasta!!

Þú komst hreint fram það ber að virða það við fólk, þó svo að maður sé kannski ekki alltaf sammála því. FInnst þessi umræða um að menn greiði ekki atkvæði samkvæmt flokknum svolítið spes.

Kveðja af skerinu fagra

e.s. Nennirðu að pikka í Rikka og segja honum að nú sé að skella á með Þjó......

[Ragnheiður Ríkharðsdóttirr (IP-tala skráð) 20.7.2009 kl. 22:43]

Sælir og takk fyrir þessar athugsemdir.

Gísli , ég pikka í drenginn, en þú veist að ég ræð engu núna.!!!

Bestu kveðjur
Ragnheiður

[Númi (IP-tala skráð) 20.7.2009 kl. 23:31]

Í Morgunblaðinu í dag er grein eftir samflokksfélaga þinn hann Guðlaug Þór.Í þessari grein vekur hann athygli á því að þó til þjóðaratkvæðagreiðslu kæmi þá væri hún ekki marktæk,hún yrði einungis sem ráðgefandi til Alþingis,gagnvart þessum ESB bræðingi.Í síðustu viku þá hafi verið felld með þessum  neium  og  jáum það að gera þjóðaratkvæðagreiðsluna ekki bindandi.Kæra Ragnheiður gæturðu vinsamlegast útskýrt hvað Guðlaugur Þór á hér við.

[hilmar jónsson, 21.7.2009 kl. 00:01]

Sjálfstæðisflokkurinn hefur nú verið frægur fyrir margt annað en umburðarlyndi gagnvart ólíkum skoðunum innan flokks.

En það er vissulega ánægjulegt þegar flokksmenn velja það að fara eftir eigin sannfæringu..

[Karl Tómasson, 21.7.2009 kl. 00:24]

Sæl mín kæra Ragnheiður.

Við erum ekki alltaf sammála. Einn af þínum stóru og miklu kostum og ég kann svo vel að meta og hef persónulega kynnst er, að þú ert alltaf samkvæm sjálfri þér. Hrein og bein.

Það er alltaf gott að vita hvar maður hefur fólk.

Gangi þér alltaf sem best.

Góðar kveðjur til þín og Daða frá Kalla Tomm og fjölskyldu úr Tungunni þinni gömlu og góðu..

[Sigurður Þorsteinsson, 21.7.2009 kl. 06:26]

Sæl Ragnheiður

Ef Sjálfstæðisflokkurinn ætlar að vera flokkur allra stétta, leiðir það af sér að þar er fólk með mismunandi áherslur. Um mál þarf að vera hægt að rökræða. Það skipir mestu máli að rökunum sé haldið til haga. Það er jafnmikilvægt að þú greiðir atkvæði með aðildarumsókn í ESB, og að þeir þingmenn VG sem ekki vilja í ESB, greiddu atkvæði með sannfæringu sinni.  

[Ingibjörg Friðriksdóttir, 21.7.2009 kl. 09:03]

Sæl Ragnheiður,

Þú sýnir það og sannar að við eigum að fá að kjósa fólk en ekki flokka. Ég hef aldrei og mun aldrei kjósa Sjálfstæðisflokkinn ekki heldur Framsókn.  En innan ykkar raða hafa verið einstaklingar sem ég myndi treysta og það á meðal ert þú.

Traust mitt á þér er ekki endilega bundið við þitt snöfurmannlega já, þó að það telji stórt, heldur hefur mér fundist framganga þín í þinginu sem ég fylgist með, sýna það og sanna að flokkarnar eru ekki annað en það fólk sem eru í forsvari fyrir þá.  Þú hefur virkilega sýnt að þú ert hrein og bein og talar ekki út og suður, heldur mál sem við öll skiljum og ekki þýðir bæði já og nei.  Þú hefur alla tíð vakið aðdáun mína ekki síst fyrir áhuga þinn á íþróttum og hve vel þú studdir viið bakið á syni þínum.

Verðir þú sett út af sakramentinu fyrir að hlýða ekki flokksforystunni, treysti ég því að þú haldir áfram annar staðar, því það er þörf fyrir fólk eins og þig:  Fólk sem þorir! Það er til bæði gott og ekki eins gott fólk í öllum flokkum.

Takk fyrir jáið þitt, við Íslendingar eigum það skilið að fá að sjá nákvæmlega hvað innganga í Evrópusambandið þýði fyrir land og þjóð.

[Sverrir Stormsker, 21.7.2009 kl. 09:19]

Flott hjá þér. Svona á fólk að vera. Standa í lappirnar. Hugsa sjálfstætt og láta hönd fylgja huga.

Slíkt er afar illa séð í flokkum hjarðmennskunnar og er ekki ávísun á ráðherrastól. En þetta er spurningin um að vera eða vera ekki. To be or not to be. Þú ert. Það er meira um vert.  

[Offari, 21.7.2009 kl. 10:58]

Ég var nú lítið hrifinn af þessu jái þínu, en þú kaust samkvæmt eigin sannfæringu og það er sú breyting sem ég vill sjá á stjórnmálamönnum  því ef flpkksræðið heldur áfram að ráða heldur áfram að fara illi fyrir þjóðini.

[Jón Valur Jensson, 21.7.2009 kl. 12:13]

Daginn fyrir atkvæðagreiðsluna sendi ég þér, Ragnheiður, grein, sem ég hafði sent Morgunblaðinu. Hún birtist svo þar í fyrradag, í Sunnudags-Mogganum, og nefnist: Á að breyta Alþingi í 3. flokks undirþing?

Í greininni (og bréfinu) er stuttur lokakafli, sem nefnist spurningar til alþingismanna. Ég ætla að fá að endurtaka hann hér og beini nú þessum spurningum og ábendingum sérstaklega til þín:

"Viljið þið fórna mestöllu því löggjafarvaldi sem Jón forseti, samherjar hans og eftirmenn áunnu landinu? – Ég vona að svar ykkar sé neitandi!

Er ykkur annt um frumkvæðisréttinn til þingmannafrumvarpa? – Ef svo er, þá viljið þið ekki láta innlima land okkar í ESB!

Nægir ykkur sextíu og þremur að setja einungis 2% af nýrri löggjöf landsins að jafnaði á hverjum þingtíma, og sættið þið ykkur við, að jafnvel þau lög geti Evrópusambandið lýst ógild?

Vill einhver þingmaður í alvöru taka þátt í að gera Alþingi að 3. flokks undirþingi? Á slíkur þingmaður erindi á löggjafarþing þjóðarinnar?

Á Alþingi að halda fullri reisn sinni eða efla hana? – Ef annað hvort er rétt eða hvort tveggja, þá hafnið þið „aðild“ að Evrópusambandinu!" (Tilvitnun lýkur.)

Rök fyrir staðhæfingum og forsendum þess, sem hér var sagt, er að finna í greininni sjálfri, en fróðlegt væri að heyra þín svör og þína afstöðu.

[Krummi (IP-tala skráð) 21.7.2009 kl. 12:42]

Flott hjá þér Ragnheiður að fylgja eigin sannfæringu, þannig á það að vera. Mér fannst samt miður að lesa að sumir þingmanna VG voru beittir þrýstingi við að segja já. Ég veit sjálfur ekki alveg hvort ég er hlynntur aðild en það skaðar svo sem ekkert að sjá hvað kemur út úr aðildarviðræðunum, á endanum fær svo þjóðin að kjósa.

Varðandi Icesave málið þá vonast ég til að einhverjir innan VG selji sig ekki áfram dýru verði til þess eins að halda ríkisstjórninni saman, það er vonandi að fleiri fylgi sinni sannfæringu þar líka.

[Sigurður Þórðarson, 21.7.2009 kl. 12:49]

Það er ekkert að því að menn greiði atkvíði í samræmi við samvisku sína og yfirlýsingar fyrir kosningar, þvert á móti. Að sama skapi er það afleitt að þingmenn VG skuli skeiða frá loforðum sínum.

Hitt er annað að það er mikil  þversögn í í því að styðja aðildarumsókn og greiða atkvæði gegn Icesave. Það vita allir sem vilja vita að Ísland getur ekki greitt Icesave og því verður það notað til að þvinga Íslendinga ínn í EB á afarkjörum.

[Jón Valur Jensson, 21.7.2009 kl. 13:32]

Hversu "flott" sem sumum finnst atkvæði Ragnheiðar, er mjög mikilvægt að fá vitneskju um svör hennar við spurningum mínum – sem eru ekki fram komnar mín vegna, heldur þjóðarinnar og forræðis hennar yfir eigin málum til frambúðar.

[Björn G. (IP-tala skráð) 21.7.2009 kl. 13:48]

Jón Valur, það nennir enginn að rökræða við þig. Sorrý.

Ég er ánægður með þig Ragnheiður. Enda kaus ég þig, og vissi frá því að vera gamall nemandi þinn að þú værir rétt manneskja í þetta.

[Arnar Guðmundsson, 21.7.2009 kl. 13:53]

GLAESILEGT

[Jón Valur Jensson, 21.7.2009 kl. 13:54]

Björn G., talaðu fyrir eigin hönd, það gerðirðu í raun: Þú ert ekki maður til að rökræða við mig. En það má ætlast til þess af alþingismanni, að hann rökræði mestu mál þjóðar okkar, eða var það ekki til þess, sem hún hleypti þessari bloggfærslu af stokkunum?

[Björn G. (IP-tala skráð) 21.7.2009 kl. 14:39]

[Jón Gunnar Bjarkan, 21.7.2009 kl. 15:38]

Þetta var glæsilegt hjá þér Ragnheiður og þú varst flokki þínum til sóma.

[Jón Valur Jensson, 21.7.2009 kl. 15:45]

Aumingja Ragnheiður, farin að fá hrósið frá evrókrötunum. Styrkir ekki stöðu hennar meðal sannra sjálfstæðismanna, nema síður sé.

[Marta B Helgadóttir, 21.7.2009 kl. 16:05]

Tek undir þarna með Hilmari nokkrum að Sjálfstæðisflokkurinn hefur nú verið þekktur fyrir margt annað en umburðarlyndi gagnvart ólíkum skoðunum innan flokks. En það er vissulega ánægjulegt þegar flokksmenn velja það að fara eftir eigin sannfæringu..

Við getum ekki leyft okkur að tala um handjárnahringl og svipuhögg annarra flokka ef þingmenn Sjálfstæðisflokks hafa ekki frelsi til að kjósa skv eigin sannfæringu.

Þú átt hrós skilið  Ragnheiður og Þorgerður Katrín líka - en það hrós er samt einhvers konar öfugmæli. Ætti það ekki að vera sjálfsagt að þingmenn kjósi skv sannfæringu sinni !

[Gunnar Ásgeir Gunnarsson, 21.7.2009 kl. 18:08]

Sæl Ragnheiður

Ég kaus Sjálfstæðisflokkinn vegna stefnu hans í Evrópumálum en ekki til að þú kæmir þínum Prívat málum áfram.

Ég held að í ljósi þess að þingmenn eigi að fara eftir sinni sannfæringu en ekki stefnu flokksins verði óhjákvæmilegt að framkvæma persónukjör til Alþingiskosninga. Núna þegar verið er að ræða mikilvægustu mál frá upphafi Lýðveldisins koma veikleikar  Kosningakerfisins svona berlega í ljós með atkvæði þínu

[Árni Grétar (IP-tala skráð) 21.7.2009 kl. 19:20]

Takk fyrir að fylgja þinni eigin sannfæringu og vera málsvari okkar Sjálfstæðismanna sem erum hlyntir aðildarviðræðum. Takk jafnframt fyrir að tryggja að Sjálfstæðisflokkurinn hafi eitthvað umboð til að koma að viðræðunum.

PS: Vantar þig athygli Jón Valur?

[Jónína (IP-tala skráð) 21.7.2009 kl. 20:06]

Sæl Ragnheiður.  Ég er ekki kjósandi Sjálfstæðisflokksins en vil samt hrósa þér fyrir að greiða atkvæði þitt í ESB málinu eins og þú gerðir.  Það sýnir að enn er til fólk sem lætur ekki hræða sig, þvinga eða kaupa.  Hinsvegar finnst mér þessi umræða um að kjósa skv. sannfæringu sinni vera fyndin eða hafa ekki allir þingmenn fyrr og síðar gert það eða hvað.

Jón Valur er jafn óskiljanlegur og oft áður, varpar fram spurningum sem hann er sjálfur búinn að svara og þykist geta dæmt aðra eftri svörum þeirra.  Skil þann vel sem ekki nennir að reyna að rökræða við hann.

[Jón Baldur Lorange, 21.7.2009 kl. 20:19]

Sæl Ragnheiður,

Það verður seint hægt að segja að ég hafi verið ánægður með hvernig þú varðir atkvæði þínu í þessu mikilvæga og umdeilda máli. Það átti hins vegar ekki að koma neinum á óvart sem hefur fylgst með umræðunni. Ef ég man rétt þá lýstir þú því yfir í desember í fyrra að þú vildir að Ísland gerðist aðili að Evrópusambandinu þannig að kjósendur sem gáfu þér brautargengi í prófkjöri flokksins í Kraganum áttu að vita um þína skoðun til ESB aðildar Íslands. 

Auðvitað hefði verið farsælast að Alþingi hefði samþykkt að þjóðin hefði fyrsta og síðasta orðið í þessu eins og forysta Sjálfstæðisflokksins lagði til en svo varð því miður ekki vegna afstöðu 2ja þingmanna stjórnarandstöðunnar þ.e. framsóknarmannanna Sivjar og Guðmundur, fyrrum Samfylkingarmanns. Þessi afstaða þeirra hefur vakið furðulega litla athygli fjölmiðla og í bloggheimi. Það voru þau tvö sem komu í veg fyrir lýðræðislegustu afgreiðslu málsins. Þau stóðu að öllu leyti með Samfylkingunni í þessu máli út í gegn. Þeirra framganga hlýtur að draga dilk á eftir sér í þingflokki Framsóknarflokksins.

Jafnframt eru umskipti meirihluta þingflokks Vg í ESB málum ótrúleg og það á eftir að reynast flokknum erfitt að standa kjósendum sínum reikniskil sérstaklega á landsbyggðinni, þar sem andstaða við aðild að ESB er almenn.

Sjálfstæðismenn ættu þess vegna að forðast að velta ykkur Þorgerði Katrínu upp úr þessari afstöðu ykkar sem er byggð á sannfæringu ykkar og hefur öllum verið kunnug í langan tíma. Að svíkja sjálfan sig eru verstu svikin og það gerðu margir þingmenn á Alþingi þennan örlagaríka dag, en það gerðuð þið ekki.

[Kolbrún Baldursdóttir, 21.7.2009 kl. 20:29]

Ég er sátt við hvernig þú kaust að verja atkvæði þínu í þessu máli.

Bestu kveðjur,

Kolbrún B.

[Haraldur Haraldsson, 21.7.2009 kl. 20:46]

það að vera sjálfstæður gjafstæðismaður,segir ekki að við viljum selja okkar sjálfstæði til annarra þjóða,en eg er kannski gamaldags/við ekki selja og svíkja landið okkar/Halli gamli

[Arnar Guðmundsson, 22.7.2009 kl. 00:24]

RITSKODUN RITSKODUNN Á MOGGABLOGGINU 11.,,

[Jón Valur Jensson, 22.7.2009 kl. 00:43]

Ég bíð enn þolinmóður eftir svörum frá Ragnhildi. Hún þarf ekkert að cópera mína svör! – bara svara út frá sinni sjálfstæðu skoðun ...

[Þorsteinn Sch Thorsteinsson (IP-tala skráð) 22.7.2009 kl. 00:44]

Ragnheiður 

 ESB-sinnar verða síðar meir New World Order-sinnar!!!!

Það verður ekki langt að bíða þar til þið  ESB- sinnar byrja með aðra eins áróðurshrinu, en þá verður það fyrir þessari New World Order,  og í dag er hægt finna bækur ESB- sinna og þá td. bækurnar "Building a New World Order" eftir Harald Muller, og The European Union Mercosul the New World Order eftir Helio Jaguaribe og 'Alvaro de Vasconcelos nú það eru til fjöldin allur af bókum sem lofsyngja þessari New World Order, eða eins og td. "The United Nations in the New World Order the Organization at Fifty" eftri Dimitris Bourantonis og Jarrod Wiener. Þannig að það verður ekki langt að bíða þar til að þið ESB-sinnar  byrjíð aftur með annan eins áróður og lofsöng þeas fyrir þessari New World Order, vonandi verður þetta ekki eins mikill áróður og var fyrir þessu ESB-bákni. Það er kannski ætlun þeirra að fara hægt af stað sem New World Order -sinnar,  þar sem það getur verið erfitt að sameina allt undir þetta Nýja Heimsskipulag "New World Order" eða öll þessi sambönd þeas: Evrópusambandið (EU), Afríkusambandið (AU), Asíusambandið ( Asian Union), Suður-Ameríkusambandið (SAU), Mið-Ameríkusambandið (CAU) og hugsanlega fleiri sambönd undir eina alsherjar alheimsstjórn  "One World Governmet" (eða New World Order) Tyranny eins og menn eru að tala um við UN.  Fólk er reyndar farið að sjá hvað er á bakvið tjöldin hjá þessari Central Banks elítu Committee of 300, Rockefeller og Rothschild liðinu. Ragnheiður hérna ég vonast bara til þess að fólk vakni upp og athugi þetta allt , ok?

The New World Order is Here!

Gordon Brown New World Order Speech

Henry Kissinger New World Order 2007

Henry Kissinger on CNBC calling for a New World Order 1-8-09 (from 1-5-09)

[Ragnheiður Ríkharðsdóttirr (IP-tala skráð) 22.7.2009 kl. 01:08]

Ég þakka fyrir þessar athugasemdir og ljóst af þeim að sitt sýnist hverjum í þessu máli sem öðrum.

Við Jón Val Jensson vil ég segja að ég mun ekki svara þessum spurningum hans.

[Jón Valur Jensson, 22.7.2009 kl. 01:40]

Langan tíma hefur Ragnheiður Ríkharðsdóttir haft til að hugsa sig um, en getur ekki svarað þeim, sem fýsir að vita um afstöðu hennar til þvílikra kjarnaatriða. Má þá af því ráða, að henni sé ekkert sérstaklega annt um að Íslendingar hafi neinn frumkvæðisrétt til þingmannafrumvarpa í Evrópuþinginu – hún sættir sig líklega við, að allar lagatillögur þar komi frá hinu valdfreka (og minnkandi) framkvæmdaráði. Henni virðist einnig nægja, að inngengið í þetta sæluríki Stór-Evrópu fái hið íslenzka Alþingi að setja einungis um 2% af nýrri löggjöf landsins að jafnaði á hverjum þingtíma, af því að Evrópubandalagið sjái náðarsamlegast um hin 98 prósentin; og það, sem verst er: Ef hana iðrar þess ekki nú þegar að hafa kosið með því að stefna á innlimunarviðræður í Evrópubandalagið, þá má jafnvel ætla, að hún sætti sig við, að ýmislegt af þessum ca. 2% lögum okkar sjálfra (eftir að "aðildin" hefst) geti Evrópusambandið lýst ógild!

Ég óska henni ekki til hamingju, hafi ég skilið hana rétt.

[Þorsteinn Sch Thorsteinsson (IP-tala skráð) 22.7.2009 kl. 01:52]

Ragnheiður 

Það verður örugglega þetta sama fólk (ESB-sinnar) aftur sem mun heimta að þessi ríkisábyrgð verður komið á yfir á okkur, og/eða heimta að við íslenska þjóðin verði látin borga Icesave- reikninga Landsbanka HF.

Þeir hjá Samfylkingunni og/eða þessir ESB-sinnar munu reyna allt hvað þeir geta til þess að koma á þessari ríkisábyrgð þar sem þessi ríkisábygð er ekki til staðar í dag, og þar þessir ESB-sinnar eru annarrs svo hræddir um að komast ekki í ESB. Nú verður ekki bara áróðri beitt heldur einnig kúgunum, og allt fyrir ESB.

Kv

Þorsteinn

[Hjálmar (IP-tala skráð) 23.7.2009 kl. 10:02]

Gott hjá thér vaena!  Audvitad eigum vid ad sjá hvad kemur út úr thessum samningum.

Ert thú andstaedingur kvótakerfisins?

[Ragnheiður Ríkharðdsdóttir (IP-tala skráð) 23.7.2009 kl. 14:29]

Það er sérkennileg afstaða Jóns Vals Jenssonar að gera mér upp hugsanlegar skoðanir og afstöðu til mála af því að ég kýs að svara ekki spurningum hans. En fyrst hann kýs að stunda slíkan málflutning til að leggja áherslu á eigin skoðanir þá verður svo að vera. Hann ber einn ábyrgð á því.

Ragnheiður Ríkharðsdóttir

[Jón Valur Jensson, 23.7.2009 kl. 15:12]

Og þú berð ein ábyrgð á afstöðu þinni í þessu máli, Ragnheiður. En fannst þér viðvaranir mínar óþarfar með öllu? Var eitthvað rangt í þeim að þínu mati? Ef ekki, hvað skýrir þá afstöðu þína í þessu máli? Er íslenzkt löggjafarvald ekki þess virði að standa vörð um það?