Þetta er ekki hægt!

Höfundur

Ragnheiður Ríkharðsdóttir

Er alþingismaður

Færsluflokkar

Tenglar

Mínir tenglar

Bloggvinir

Ég er ekki hagfræði- eða viðskiptafræðimenntuð en mér finnst vera einhver misskilningur á ferðinni þegar rætt er um að eignir Landsbankans sem ganga eigi upp í skuldir - fari allar til að mæta ICESAVE samningnum sem nú liggur fyrir þinginu.

Skilanefnd Landsbankans segir forgangskröfur vera um 1.350 milljarðar. Eignir bankans eru samkvæmt nýjasta mati um 1.100 milljarða. Af forgangskröfum eru kröfurnar sem íslenska þjóðin tekur á sig, verði samningurinn samþykktur, 730 milljarðar. Það þýðir að einungis rúmlega helmingur af því sem innheimtist af eignum Landsbankans fer til greiðslu ICESAVE.

Skilanefnd Landsbankans gerir ráð fyrir að 83% af eignunum endurheimtist. Það eru rúmlega 900 milljarðar og af því fara þá tæplega 500 milljarðar til greiðslu ICESAVE. Þá standa út af borðinu 230 milljarðar auk VAXTA sem verða á bilinu 200 - 300 milljarðar að auki. Það eru samtals 430 - 530 milljarðar!

Getur íslenskt þjóðarbú greitt þennan samning eftir 7 ár?

Ragnheiður Ríkharðsdóttir

Flokkur: Stjórnmál og samfélag | Breytt s.d. kl. 00:12 | Facebook

Athugasemdir

Væri ekki alveg eins gott að spyrja völvu vikunnar?

En ég tel að við getum ekki greitt þetta eftir 7ár frekar en eftir 70ár. Svartsýni? Varla. Miklu frekar raunsæi.

Hvar er ábyrgðin á þessarri Icesave vitleysu?

Af hverja ganga þessir menn um lausir eins og ekkert hafi í skorist?

Ég er að vísa til Sigurjóns Digra og hans slekti allt með tölu.

Þórður J (IP-tala skráð) 7.7.2009 kl. 00:41

Það nægir að líta á viðskiptajöfnuð til þess að fá svar við þessari spurningu, Það er útilokað að Íslenskt hagkerfi geti skilað þessu af sér þó fólk hætti að éta gull.

En auk þess er siðferðilega, lögfræðilega og pólitískt rangt að Íslenskir þegnar borgi þetta, það má hugsanlega bjóða henni upp á þetta þegar búið er að taka hvern einasta eyri af þeim sem eiga sök á þessu og/eða komu að þessu með einhverjum hætti. Fyrr á ekki að láta almenning sem engan þátt á í þessu, koma að málinu. Það er skylda Alþingis að verja réttlætið.

Jón J. Bjarnason (IP-tala skráð) 7.7.2009 kl. 01:06

Ofan á allt annað er það útilokað mál, nema að menn vilji leggja af kennslu, löggæslu, sjúkrahús o.s.f. Þess utan er gert ráð fyrir að þetta sé greitt í gjaldeyri og þá verðum við að lækka gengi krónunnar til að laga viðskiptajöfnuðinn enn meir.

Kosturinn við þetta vandræðaástand er að þá neyðast stjórnvöld vonandi til að fara að loka óþarfa sendiráðum þar sem menn hafa það helst fyrir stafni að drekka kaffi og lesa blöðin á daginn en skála á kvöldin við aðra iðjuleysingja.

Sigurður Þórðarson, 7.7.2009 kl. 09:46

Heil og sæl aftur, Ragnheiður!

Við þurfum ekki að greiða þessa Icesave-skuld Landsbankans. Hann fær einn að gera það, auk framlags frá Tryggingasjóði innstæðueigenda. OKKUR ber ENGIN SKYLDA til að borga þetta, sbr. áliti brezku lögfræðistofunnar, sem er forsíðufregn Moggans í dag og ég ræði um hér: Össur sat á brezku lögfræðimati sem sýndi að Bretastjórn hefur engin gild lagarök til að krefjast ábyrgðar Íslands á Icesave-milljarðahundruðum!

Með góðum óskum um baráttuna, sem fyrir höndum er, um að afturkallað verði frumvarpið illa grundaða um ríkisábyrgð á Icesave!

Jón Valur Jensson, 7.7.2009 kl. 10:22

Ragnheiður, ég vil ekki að þessi samningur verði samþykktur í þinginu. Það má bara ekki gerast. Við verðum að fella þetta. Vísa í greinar Jóns Daníelssonar og Agnesar Braga viðtalið við Davíð á sunnudag.Þarf nýja samninganefnd í málið, sem kann að segja nei á ensku, þýsku og frönsku.

Það eru hrein og klár landráð að selja okkur fyrir inngöngu í ESB. Verður að aðskilja þessi mál, þau eru ekkert skyld.

Jóhanna Thorsteinson (IP-tala skráð) 7.7.2009 kl. 12:13

Þessi umræða er líka á röngu plani. Það er miðað við að allar tekjur okkar séu notaðar sem deilistuðull í skuldirnar. Það kostar sem sagt ekkert að framleiða hér á landi, og frítt að lifa.

Stærstu mistökin í þessu öllu var að "bjarga" bönkunum, þeir áttu að fara í þrot og fá samskonar stöðu eins og hvert annað þrotabú.

Það breytir þó ekki því að það væri betra fyrir mig og aðra venjulega þegna landsins að Tjallanum og Niðurlendingnum verði einfaldlega afhentir þessir bankar til eignar með hurðum og körmum. Trúlega best að þeir sem hafa forskeytið "Nýi" eitthvað banki fylgi með í skjóðunni.

En það er greinilega ekki gert ráð fyrir að aðrar skuldir séu til staðar í landinu, þegar Icesave er matreitt ofaní okkur.

Sindri Karl Sigurðsson, 7.7.2009 kl. 15:19

... ekki viðskiptamenntuð, en það er ég og ég segi ; að byggja þessa áþján á hámarksbjartsýnislíkum 83% af eignum innheimtist, er óráð og sturlun.

Skynsamlegra að gera strax ráð fyrir að einungis 30% innheimtist og meta framtíðarstöðu út frá því.

Er ekki lögfr.menntuð og það eru Jóhanna, Steingrímur og fleiri ekki heldur.

Ráðum grimmustu alþjóðlegu lögfr. til að keyra þetta mál af hörku!

Jenný Stefanía Jensdóttir, 7.7.2009 kl. 16:32

Tja Steingrímur talar um í öðru orðinu að á 2-3 árum þurfi að skera niður um 180 milljarða en í hinu orðinu segir hann að við getum greitt 530 milljarða eftir 7 ár. Fólk verður bara að sjá það sjálft hvort að eitthvað vit sé í þessum orðum hans eða ekki. Ég veit ekki hvaðan þessir peningar eiga að koma en ef að þessir peningar eiga að koma úr ríkissjóði, sama sjóði og nú stefnir í 180 milljarða halla sem að þarf að brúa. Ef að það verður svoleiðis viðsnúningur á rekstri ríkissjóðs að hann eigi 530 milljarða afgang eftirr 7 ár, þá hlýtur það að vera heimsmet í jákvæðum viðsnúningi hjá einu ríki.

Jóhann Pétur Pétursson, 7.7.2009 kl. 19:46

þessi 730 milliarða eru minna en 20 % af heildarupphæðinni. Ef peningana finnst munu það duga vel til að borga þessi 730 milliarða auk vaxta.Nú verður að finna peningana hjá þjófunum.

Heidi Strand, 7.7.2009 kl. 21:06