Pólitísk skipun bankaráðs Seðlabankans

Þá gerðist það enn einu sinni að pólitískt er skipað í bankaráð Seðlabanka Íslands. Það voru mikil mistök við frumvarp Jóhönnu Sigurðardóttur o.fl. um breytingar á lögum um Seðlabanka Íslands að flutningsmenn skyldu ekki gera breytingar á þeirri grein er lýtur að bankaráði og slíta þar með bein flokkspólitísk tengsl. 

Ef til skorti flutningsmenn ekki bara kjark heldur vilja til þess að breyta, pólitíkusar eru kannski svo bundnir í viðjar vanans að þeir ná ekki að hugsa út fyrir rammann. Ég tel það löngu tímabært að skipa með öðrum hætti í bankaráð SÍ sem og annarra ríkisbanka og kem með hugmynd þar að lútandi. Það mætti t.d hugsa sér að háskólasamfélagið, samtök atvinnulífs og iðnaðar, verkalýðs-félögin og samtök fjármálafyrirtækja tilnefndu fulltrúa og að formaður væri síðan kosinn af tilnefndum fulltrúum. Kannski er þetta galin hugmynd en getur ekki verið verri en hin flokkpólitíska það er nokkuð ljóst.

 

Athugasemdir

[Hlédís, 17.3.2009 kl. 13:02]

Innilega sammála!

[Jón Tynes (IP-tala skráð) 17.3.2009 kl. 13:59]

Alltaf frískandi andblær frá þér með gömlu BJ ívafi.

[Dilbert, 17.3.2009 kl. 15:52]

Hefði það nú verið flott ef samtök fjármálafyrirtækja hefðu líka ráðið Seðlabankanum. Held ekki......

[Tómas Ibsen Halldórsson, 17.3.2009 kl. 20:48]

Kæra Ragnheiður,  læturðu þér virkilega dreyma um það að það teljist pólitískar ráðningar, einkavinavæðing eða því um líkt þegar Jóhanna ræður vini sína í öll möguleg og ómöguleg embætti allt í kring um sig.  Það teljast vera faglegar ráðningar, og enga útúrsnúninga takk fyrir

[Hlédís, 17.3.2009 kl. 21:30]

Láttu þig dreyma, kæri Tómas, um fækkun mosagróinna Sjalla í öllum embættum sem ekki eru setin gömlum Framsóknarmönnum

[Jón Snæbjörnsson, 18.3.2009 kl. 10:40]

what are friends for